ఇది పాన్ ఇండియా సినిమా అంటున్నారు.. కానీ ఇది పాన్ వరల్డ్ డార్లింగ్స్: నాగ్ అశ్విన్
వైజయంతీ మూవీస్ బ్యానర్ పై నాగ్ అశ్విన్ దర్శకత్వంలో ప్రభాస్ హీరోగా ఓ చిత్రం ఖరారైన సంగతి తెలిసిందే. దీనిపై దర్శకుడు నాగ్ అశ్విన్ ట్విట్టర్ లో స్పందించారు. ఈ ఏడాది చివర్లో షూటింగ్ ప్రారంభమవుతుందని, 2021 చివర్లో ప్రేక్షకుల ముందుకు వస్తుందని వెల్లడించారు. అయితే, ఇంతకన్నా ఎక్కువ చెప్పడం తొందరపాటు అవుతుందని పేర్కొన్నారు. "కొంతమంది ఈ చిత్రాన్ని పాన్ ఇండియా మూవీ అంటున్నారు. అది తప్పు... ప్రభాస్ పాన్ ఇండియా ఎప్పుడో కొట్టేశారు. ఇది పాన్ వరల్డ్ డార్లింగ్స్!" అంటూ ట్వీట్ చేశారు. తనతో చిత్రాన్ని అంగీకరించినందుకు ప్రభాస్ కు కృతజ్ఞతలు తెలుపుకుంటున్నానని పేర్కొన్నారు.